Ginawaran ng 2022 Green Banner Seal of Compliance ang Lokal na Pamahalaan ng Juban sa matagumpay na pag-iimplementa at pagsasagawa ng mga aktibidad at programa na tumututok at tumutugon sa nutrisyon ng mga Jubangnon. Iginawad ang nasabing pagkilala sa naganap na 2023 Regional Nutrition Awarding Ceremony na dinaluhan nina Mayor Gloria L. Alindogan, Municipal Councilor at Committee Chair on Health/Nutrition Aida Guevarra, at Municipal Nutrition Action Officer Designate Bb. Ma. Teresa A. Laut na idinaos ngayong araw ng Miyerkules, ika-26 ng Hulyo 2023 sa Concourse Convention Center, Legazpi City.

Ang Green Banner Seal of Compliance ay iginagawad ng National Nutrition Council at Regional Nutrition Council para sa LGU’s bilang pagkilala sa sustinableng mga programa at aktibidad ng munisipyo upang matugunan at matutukan ang nutrisyon ng mga bata, partikular na ang paglaban sa malnutrisyon.

Kabilang sa mga nabigyang parangal ang mga sumusunod:

Province:

Province of Sorsogon

City/ies:

Legazpi City

Sorsogon City

Masbate City

Iriga City

Ligao City

Tabaco City

Municipality/ies:

Bulusan (Sorsogon)

Pilar (Sorsogon)

Prieto Diaz (Sorsogon)

Juban (Sorsogon)

Baao (Camarines Sur)

Camaligan (Camarines Sur)

Magarao (Camarines Sur)

Pili (Camarines Sur)

Camalig (Albay)

Guinobatan (Albay)

Polangui (Albay)

Lubos naman ang pasasalamat ni Mayor Glo kay Bb. Tess dahil sa mahusay na pamumuno ng MNAO at sa pagsasagawa ng mga aktibidad at programa para kalusugan ng mga batang Jubangnon gayundin sa mga MNAO personnel at Barangay Nutrition Scholar (BNS).

Nagpapasalamat din si Municipal Councilor Aida Guevarra dahil sa dedikasyon ng MNAO Juban sa mga programa at aktibidad para sa mga kabataan, maging sa mga BNS sa patuloy na pagsuporta sa mga programa ng munisipyo.

Matatandaang isa sa programa at adhikain ni Mayor Glo na tutukan ang kalusugan ng mga Jubangnon sa pamamagitan ng kanyang GLOW Juban Program. Patunay diyan ang patuloy niyang pamamahagi ng mainit at masustansyang lugaw sa pamamagitan ng kanyang adbokasiyang “Lugaw for All”.

Ang nasabing parangal ay isang magandang handog para sa Lokal na Pamahalaan ng Juban lalo pa sa pagtatapos ng selebrasyon ng Nutrition Month 2023 na may temang “Healthy Diet Gawing Affordable for All”.

Mula sa Lokal na Pamahalaan ng Juban,

Pagpupugay sa Mahusay na Serbisyo!